Bilbil Cjapi është një qytetar që ka punuar më parë në kompaninë AlbPetrol dhe në 2014-ën është pushuar nga puna padrejtësisht. Për këtë arsye ka hapur proces gjyqësor, i përfaqësuar nga avokati Ilir Hasa.
“Sipas dokumenteve i ka thënë që do lidhim një aktmarrëveshje dhe do t’i ndajmë paratë gjysmë për gjysmë, 50 me 50”.
Në 2017-ën, Gjykata e Shkallës së Parë në Fier vendos, që Bilbil Cjapi të dëmshpërblehet me shumën 113 milionë Lekë të vjetra.
“Vendosi që dëmshpërblimi t’u kthehet Bilbil Cjapit dhe familjes së tij. Shuma ishte 113 milionë Lekë të vjetra. Kaluan 3 vjet dhe ky rastësisht mësoi se ishin tërhequr lekët…”
Sipas bashkëshortes së Bilbilit, avokati nuk ka depozituar gjysmën e parave, ashtu edhe siç ishte firmosur akt-marrëveshja.
“Avokati nuk na kishte vënë në dijeni që këto lekë ishin tërhequr. Më tej ndodhi që ishin hedhur 50 milionë Lekë dhe kërkoi më pas ato që më takojnë akoma. Vajtëm kërkuam prapë, ai më tha nuk kam”, u shpreh ajo.
Në 2021-shin, kanë patur djalin sëmurë dhe vëllai i Bilbilit ka shkuar tek avokati për t’i marrë paratë, duke i marrë 5 milionë Lekë në emër të të vëllait. Për këtë gjë, vetë çifti i bashkëshortëve nuk ka pasur dijeni.
“Vjen i vëllai i burrit, diskuton me avokatin i thotë që vëllait i duhen Lekët se ka shtruar çunin. Nuk e dinim, ai i kërkoi vetëm me qëllimin që është shtruar nipi. Pastaj tha që shiko se ka ardhur vëllai jot, Gramozi, edhe më ka kërkuar lekë. Sa ka marrë thamë ne. Ka marrë 5 milionë lekë. Ne e marrim këtë telefonin dhe i themi çfarë ke diskutuar me avokatin dhe sa lekë ke marrë. Jo unë nuk kam marrë asnjë gjë”, tha ajo.
Këto para, vëllai nuk i ka kthyer më.
“Denoncim ka bërë. Vitin që kaloi ka vajtur edhe në prokurori dhe ka thënë që nuk ka prova. Ne kërkojmë ndihmën tuaj që të shikojmë se ku qëndron problemi i tërheqjes së lekëve”, tha bashkëshortja.
Gramoz Cjapi, vëllai i Bilbilit, është drejtor në Drejtorinë Vendore të Policisë Berat dhe në një audio regjistrim dëgjohet pohimi i avokatit, që tregon, sesi Gramozi, ia mori paratë.
Denoncuesi: Pse ia dhe Gramozit lekët?
Gruaja: Po ai ta tha, që i bëri presion. Ca do tani?
Avokati: Ku e dija unë, ça ishte Gramozi. Unë hera e parë, që e shikoja. Ai erdhi me të dy çunat. Bilbili i ka mbyllur atje tha dhe nuk ka më lekë tani, është pa lekë fare. Mundohu të bëjmë diçka, që ta ndihmojmë, tha!
Gruaja: Ne vërtet nuk kishim lekë, por jo ashtu…
Avokati: Mirë, i thashë unë, do përpiqem ta ndihmoj. Edhe…
Gruaja: Po kur e dije, të flisje me këtë ti!
Avokati: Po s’më linte mua ai. Do t’ia çoj unë thoshte. Mos e merr në telefon! Mos e tako atë! Aty kur thoshte, mos e tako atë, aty e kuptova, që po luan me dy porta. Më thoshte, mos e tako Bilbilin. S’ke punë me Bilbilin!
Pas kësaj me avokatin ballafaqohet gazetarja e “Stop”.
Gazetarja: Kam ardhur për një problematikë të zotit Bilbil Cjapi.
Avokati: Po!
Gazetarja: Çfarë dëmshpërblimi ka përfituar zoti Bilbil?
Avokati: Po në bazë të një vendimi gjyqësor, që ka dhënë gjykata. Shuma totale…
Gazetarja: 11 milionë lekë të reja, 113 milionë lekë të vjetra.
Avokati: Po, po.
Gazetarja: Sa i keni depozituar ju zotit Bilbil?
Avokati: 65 (milionë), 5 milionë ia ka marrë vëllai, 70 milionë. I kërkoi vëllai dhe i mori.
Gazetarja: Po ai thotë, që vëllai nuk i pranon, që i ka marrë.
Avokati: Ai ka fol vetë me vëllain dhe i ka pranuar.
Por këtë e mohon Gramozi.
Gramoz Cjapi: Përshëndetje! Urdhëro!
Gazetarja: Ju keni marrë 5 milionë Lekë tek avokati Ilir Hasa.
Gramoz Cjapi: Jo! Një minutë, se s’kam marrë. Po një minutë, se të marr unë.
Gazetarja: I keni marrë ju lekët e vëllait tek avokati?
Gramoz Cjapi: Tani atje i ka marrë tjetërkush. Të shpjegoj unë tani, hajd!
Gramozi asnjëherë nuk e pranoi se kishte marrë paratë e vëllait të tij. Por këtë e pranon kur flet vetë me avokatin pasi ky e merr në telefon.
Avokati: Gramoz, çkemi si kalove?
Gramoz Cjapi: Po, Ilir! Mirë! Te puna jam, Ilir. Në një takim.
Avokati: Ore po më bezdis ai Bilbili që vjen nga zyra, kërkon ato lekët nuk m’i ka thënë Gramozi akoma thotë. Si do bësh me ato se më çmendi dhe mua?
Gramoz Cjapi: Ca lekësh ka ai, për të dhënë? Ja të mbaroj takimin dhe të marr unë.
Avokati: 5 milionët i kërkon ai.
Gramoz Cjapi: Të marr unë tashi, hajde! Të marr unë, dy minuta!
Avokati: Po më vjen bilbili më kërkon lekët.
Gramoz Cjapi: Të marr unë, të sqaroj, dy minuta! Ja, ta marr unë Bilbilin, ta sqaroj!
Avokati i ka dorëzuar dorazi paratë tek zoti Gramoz dhe këtu është gabimi i parë.
Gazetarja: Ju si avokat, si e keni për detyrë t’i depozitoni lekët ndaj klientit për dëmshpërblim? Se juve kompania jua depozitoi në bankë, apo jo? Nuk i morët në dorë.
Avokati: Me faturë!
Gazetarja: Ku e keni faturën, që ia keni dhënë vëllait 5 milionë lekë?
Avokati: Vëllai m’i kërkoi për vëllain e tij.
Gazetarja: Ti më vëllain e ke pasur marrëveshjen?
Avokati: Më tha me gojë, pra.
Gazetarja: Ju keni pasur bisedë, se do i merrte vëllai i vet?
Avokati: Po me mirëbesim, se ishte vëllai i tij…
Gazetarja: Kush mban përgjegjësi, që zoti Bilbil ende nuk i ka marrë ato 5 milionë lekë, që paska për të marrë? E mban ti përgjegjësinë?
Avokati: Çfarë përgjegjësie të mbaj? Vëllai i pranon vetë, që i ka marrë.
Gazetarja: Vëllai nuk ia ka dhënë. Ishte detyra juaj, që t’ia jepnit, apo jo?
Avokati: Po, dakord! Detyra ime ishte, po ia dhashë me mirëbesim, se i kërkoi, se ishte sëmurë djali.
Gazetarja: Kur i ke tërhequr Lekët?
Avokati: Në fillim të vitit! Në fund të 2017-ës dhe fillim të 2018-ës.
Gazetarja: Dhe kur ia ke dhënë zotërisë lekët?
Avokati: Shuma e tërhequr do qëndronte si garanci ligjore, derisa vendimi të merrte formë të prerë. Vendimi s’kishte marrë akoma formë të prerë. Dhe unë isha i detyruar t’i mbaja ato Lekë derisa të… Jo t’i mbaja, por të qëndronin të ngrira, derisa vendimi të merrte formë të prerë.
Gazetarja: Po s’ka marrë akoma, se është në Gjykatë të lartë.
Gazetarja: Po pse ia ke dhënë ti, pra?
Avokati: Po ç’ti bëja?! Erdhi me ulërima. Ç’ti bëja unë? Ia dhashë.
Gazetarja: Pra, kanë kaluar lekët në llogarinë tuaj po themi. 113 milionë Lekë. Në momentin, që ty Bilbili të paska ardhur dhe të ka kërkuar lekët, lekët, lekët, lekët dhe ti i ke kaluar 50 milionë Lekë, ose ja po themi 65 milionë lekë, po e marrim të mirëqenë. Pse nuk ia ke kaluar plotësisht, por këto 5 milionë lekët ia paske dhënë vëllait?
Avokati: Aa…, thua për shumën 5 milionë Lekë? Po m’i kërkoi vëllai.
Gazetarja: Po pse nuk ia kishe kaluar që në fillim?
Avokati: Po i kishte kaluar. Bilbili i kishte në bankë ato lekë. Thjesht i duheshin Lekë shpejt domethënë, se s’kishte mundësi t’i tërhiqte nga banka. Ishte natë, darkë, domethënë edhe nga kjo…
Gazetarja: Tani po talleni me mua?
Avokati: Nuk po tallem, po thjesht erdhi vëllai i kërkoi, do bëj operacion djalin, tha. Kjo nuk është tallje. Unë thjesht po të sqaroj./Tv Klan
