Një problem teknik ose gabim njerzor i shoferit, këto janë dy pistat ku po hetojnë autoritetet Bullgare lidhur me aksidentin tragjik të ndodhur në Bullgari.
“Gabimi njerëzor i shoferit ose një mosfunksionim teknik janë dy versionet fillestare për aksidentin”, tha shefi i shërbimit hetimor bullgar Borislav Sarafov.
Ndërsa shefi i policisë kombëtare të Bullgarisë Stanimir Stanev tha se ndërsa dy drejtuesit e autobusit ishin maqedonas, pasagjerët ishin shqiptarë.
“Informacionet fillestare tregojnë se në autobus udhëtonin 52 persona, nga të cilët dy vozitorë me nacionalitet maqedonas dhe 50 pasagjerë me kombësi shqiptare”, tha ai.
