Banorët e Unazës së Re po protestojnë perj 3 ditësh pasi janë njoftuar për shembjen e shtëpive të tyre për projektin e autostradës nga Sheshi Shqiponja deri tek Pallati me Shigjeta. Për të shpjeguar opinionin publik sot kanë dalë në konferencë, drejtori i Autoritetit Rrugor Shqiptar Afrim Qendro, n/kryetari i bashkisë Tiranë, Arbi Mazniku dhe drejtoresha e Inspektoriatit Ndërtimor, Dallëndyshe Bici.
Kreu i ARRSH-së deklaroi se ky segment është pjesë e Unazës së Madhe dhe do të konsistojë me prishjen e një numri të madh ndërtesash, të cilët janë të vendosura përgjatë gjithë segmentit nga “Pallati me Shigjeta” tek sheshi “Shqiponja”.
Afrim Qendro u shpreh: Kemi dalë në terren dhe kemi bërë vlerësimin paraprak. Nga ky kontroll na del se në total janë 317 objekte, të cilat janë 163 janë në proces legalizimi, të cilat do të skualifikohen dhe 123 objekte janë me certifikatë prone. Janë edhe objekte të tjera që nuk ka informacione të detajuara. Për objektet që do shemben, kemi dy kategori objektesh, me dokumente pronësie dhe në proces legalizimi”.
Ndërsa u pyet për numrin e objekteve që do shpronësohen dhe koston e tyre, Qendro tha se “kostoja e shpronësimeve është ende e pallogaritur sepse do të shihen dokumentet në hipotekë”. /Opinion.al
