Drejtori i Autoritetit të Mbikqyrjes Financiare (AMF), Ervin Koçi, ka zhvilluar një tendër që kap një vlerë të konsiderueshme parash nga buxheti i shtetit për arredimin e zyrës së tij.
Mësohet se institucioni i AMF-së, ka zhvilluar një tender të fundit, më datë 11 dhjetor 2017, me objekt “blerje orendi dhe arredim zyre e sallë mbledhjesh” me një fond limit prej 5.383.330 lekë. Bashkë me TVSH-në, kjo vlerë e kripur shkon rreth 61 milionë lekë të vjetra.
TPZ.al shkruan se zyra e tij do të vishet me parket me dru lisi ose ahu të staxhionuar në mënyrë natyrale ose artificiale. Ky lloj parketi është nga më të kushtueshmit, me një vlerë mbi 100 euro/m2, po t’i referohesh çmimit të tregut. Bordurat vertikale ose plintuesat sipas llojit të shtrimit të dyshemesë do të jenë me qeramikë, një material që përdoret shumë rallë pasi edhe ky është shumë i shtrenjtë.
Ish-deputeti socialist, Ervin Koçi, u denoncua edhe më herët për pajisjen me një makinë super të shtrenjtë, Mercedes Benz të vitit 2017, pavarësisht se makina që ai dispononte ishte gjithashtu shumë e re, e vitit 2013. Vlera që Benz-it ngjyrë të zezë dhe me xhama të errësuar, të porositur tek “Auto Star Albania“ i tejkalonte 92 milionë lekë të vjetra./TPZ.al
