Aktualitet

Fico: 77% e kapaciteteve në spitale të zëna, rritje e rasteve 15-24 vjeç


Bëhu pjesë e Grupit Zyrtar të Opinion.al
>> KËTU <<
               Publikuar në : 12:45 - 10/02/21 |
Doriana Çepunaj

Gjatë konferencës së Komitetit Teknik ditën e sotme drejtoresha e Institutit të Shëndetit Publik, Albana Fico ka dhënë të dhëna lidhur me situatën epidemiologjike në vend.

Fico tha se deri në këto momente 77% e kapaciteteve në spitale janë të zëna, ndërkohë që vihet re një  rritje e të infektuarve në grupmoshat 15-24 vjeç.

“Situata epidemiologjike ka një tendencë në rritje të rasteve të reja. Incidenca është më e lartë dhe përhapja më e madhe. Numri i të shtruarve në Spitale është rritur. Mesatarja e rasteve ditore në javën e fundit, krahasuar me javën paraardhëse, është rritur nga 836 në 1030. Edhe faktorët e tjerë si, numri i të shtruarve në spitale dhe në terapi intensive kanë pësuar rritje, ndërsa mosha mesatare e shtrimeve në spitale është ulur. 77% e kapaciteteve në 4 spitalet COVID janë të zëna, ndërsa në reaminacion është 34%.

Të dhënat tregojnë se përvç rritjes në grupmoshat nga 45-64 vjec, që dominojnë rastet positive të konfirmuara, në javët e fundit ka një rritje të incidencës tek grupmosha 15-24 vjeç. Ky element, shpejtësia e përhapjes së infeksionit si edhe sinjalet që aktualisht kemi nga Laboratori i Institutit të Shëndetit Publik, përbëjnë dyshime të arsyeshme për prezencën e varianteve të reja të COVID19 në Shqipëri”, tha Fico./Opinion.al

Pas