Policia ka arrestuar një punonjës policie, pasi teksa drejtonte në gjendje të dehur ambulancën, ka shkaktuar dëme materiale në tre automjete.
Arrestimi i tij u krye pasi mbrëmjen e djeshme ai ka humbur kontrollin e ambulancës dhe si pasojë ka shkaktuar dëme materiale në tre automjete të parkuara në anë të rrugës.
Sipas njoftimit të AMP, punonjësi i policisë dyshohet për kryerjen e veprës penale “Drejtim i automjetit në mënyrë të parregullt”.
”Agjencia e Mbikëqyrjes Policore në rajonin Vlorë – Gjirokastër ka arrestuar në flagrancë punonjësin e policisë S. GJ., me detyrë shofer në Drejtorinë e Përgjithshme të Policisë së Shtetit (Akademia e Sigurisë).
Arrestimi i tij u krye pasi mbrëmjen e djeshme rreth orës 23:45, në aksin rrugor “Gjergj Kastrioti”, ka humbur kontrollin e drejtimit të automjetit (ambulancë) tip Volsvagen dhe si pasojë ka shkaktuar dëme materiale në tre automjete të parkuara në anë të rrugës.
Nga verifikimi me testin matës të alkoolit ka rezultuar pozitiv në masën 1.16 mg/l dhe 1.14 mg”, thuhet në njoftim.
Materialet proceduriale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Vlorë.
