Vijojnë kontrollet e policisë në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore si dhe për rritjen e parametrave të sigurisë rrugore, në kryeqytet.
Gjatë javës që lamë pas 16 shtetas janë arrestuar dhe proceduar për drejtim automjeti, në gjendje të dehur, pa leje drejtimi, dhe për shkelje të rregullave të qarkullimit rrugor.
Janë ndëshkuar me gjobë 702 drejtues mjetesh, për përdorim të celularit gjatë drejtimit të mjeteve.
309 drejtues mjetesh janë ndëshkuar për mosdhënie përparësie këmbësorëve, në vija të bardha.
Ndërsa 2,567 drejtues mjetesh janë ndëshkuar për mosvendosje të rripit të sigurimit.
Janë vendosur, po ashtu 297 gjoba, për mosvendosje të kaskës mbrojtëse, nga drejtuesit e motomjeteve si dhe janë vendosur 297 gjoba, për parakalime të gabuara.
Policia njofton se janë bllokuar 17 automjete./Opinion.al
