Në mbledhjen e kryetarëve e cila drejtohet nga Ilir Meta dhe marrin pjesë kryetarët e grupeve parlamentare nuk është votuar për futjen e reformës në drejtësi në kalendarin 3-javor të punimve të Parlamentit. Kujtojmë se Rama kishte thënë më herët se reforma në drejtësi do të votohet më 21 Korrik, por ky pretendim i tij është rrëzuar sot.
Lajmi u bë i ditur nga Kryetari i Kuvendit Ilir Meta në nisje të seancës plenare. Pasi prezantoi rendin e ditës për seancën e sotme, ai tha se nuk u arrit të futet në kalendarin 3-javor reforma në drejtësi. Sipas rregullores tha Meta, në fund të kësaj seance do të votojmë për këtë çështje.
Nga mbledhja me dyer të mbyllura mësohet se kreu i grupit të PD, Paloka ka thënë se drafti nuk është i plotë, dhe i njëanshëm. Ai ka përmendur sërish rekomandimin 88 të Venecias që kanë të bëjnë me insitucionet e Vetingut në sistemin e drejtësisë.
