Austria do të lejojë që restorantet dhe kafenetë të rihen dhe shërbimet fetare të rifillojnë nga 15 maj, tha kancelari Sebastian Kurz.
“Në këtë pikë po ecim më shpejt se vendet e tjera drejt diçkaje si një normalitet i ri,” tha Kurz në një konferencë shtypi, sipas Reuters. Ai tha se “bizneset e gastronomisë”, një term që shpesh përfshin bare, do të lejohen të rihapen nga 15 maj dhe të qëndrojnë të hapur deri në orën 11:00 të mbrëmjes.
Shërbimet fetare gjithashtu mund të rifillojnë nga e njëjta ditë.
Pas shpërthimit të koronavirusit Austria ishte një nga vendet që veproi më herët, duke mbyllur restorante, bare, teatro, dyqane dhe vende të tjera që mblidhinin njerëz më shumë se një muaj më parë.
Njerëzve iu tha që të qëndrojnë në shtëpi dhe të punojnë prej aty nëse është e mundur.
Tani ajo është ndër të parat që liroi masat bllokuese, duke lejuar disa dyqane, ato më pak se 400 metra katrorë dhe kopshtet. Qendrat tregtare, dyqanet më të mëdha dhe parukierët do të hapen nga 1 maji.
Veprimet e ndërmarra nga qeveria austriake për të lehtësuar deri në këtë pikë masat justifikohen me faktin se nga 14 mijë e 800 raste, vetëm 3 mijë e 400 janë aktualisht aktive pasi të tjetërt janë shëruar. Pandemia i ka kushtuar deri tani 491 jetë Austrisë. /Opinion.al
