Kreu i grupit parlamentar të LSI-së, Petrit Vasili ka komentuar qëndrimin e deputetit të Fierit, Robert Bitri, i cili ndryshe nga deputetët e tjerë të opozitës, nuk ka braktisur seancën e sotme plenare. I ftuar në “News 24”, Vasili tha: “Nuk kam asnjë shqetësim për asnjë njeri që nuk ka më motive të militojë në një forcë politike me një ritëm të tillë si është LSI. Ata që kanë ritme të tilla dhe janë pre e meskiniteteve të vogla janë një lajm i mirë të mos jenë në një forcë që ka tjetër standard politik”.
Kjo është hera e dytë që Bitri del kundër vendimit të grupit parlamentar të LSI-së. Edhe para dy javësh ai u shfaq në mbledhjen e komisionit, teksa opozita kishte nisur protestat për lirimin e kukësianeve.
Lexo edhe: Bitri i LSI, kunder mosbindjes civile
