Organizatat ndërkombëtare humanitare kanë ngritur së fundmi alarmin e rritjes së numrit të fëmijëve në zonat e luftë. Sipas raportimeve të Save the Children, më shumë se 350 milionë fëmijë jetojnë nën frikën dhe ankthin e luftës që kanë përfshirë vendet ku ata jetojnë. Organizatat akuzojnë konfliktet mes partive për përshkallëzim të luftës dhe vdekjen e më tepër se 73 mijë fëmijëve.
Më shumë se 350 milionë fëmijë jetojnë në frikë dhe në rrezik për jetën në zonat e konflikteve.
Raportimi më i fundit vjen nga organizatat humanitare e kryesisht “Save the Children”, e cila ngriti alarmin ditën e enjte duke vënë në fokus Sirinë, Afganistanin dhe Somalinë si vendet më të rrezikuara për fëmijët.
Sipas raportit një në gjashtë fëmijë në mbarë botën, jetojnë në vendet e luftës.
Numri i të miturve të rrezikuar është rritur deri në 75%, që nga fillimi i viteve 1990.
Rritja e urbanizimit dhe konfliktet e tejzgjatura vënë në rrezik jetën e miliona fëmijëve, paralajmëron organizata Save the Children.
Kërcënime të tjera me të cilat përballen fëmijët në zonat e luftës, përfshijnë rrëmbimin dhe dhunën seksuale.
“Ne po shohim të tronditur sesi po zmadhohet numri i fëmijëve që rriten në zonat e prekura nga konflikti dhe që janë të ekspozuar ndaj formave më serioze të dhunës nga ç’mund të imagjinohet”, tha në një deklaratë, kreu i organizatës Save the Children.
Ndërsa ish-kryeministri i Danimarkës u shpreh se fëmijët janë duke vuajtur nga gjëra, që asnjë fëmijë kurrë nuk duhet ti provojë, që nga dhuna seksuale e deri tek përdorimi i tyre si bomba vetëvrasëse.
Shtëpitë, shkollat dhe terrenet e lojërave të tyre janë bërë fushë beteje tha zyrtari i lartë danez.
Shifrat e Kombeve të Bashkuara tregojnë se më tepër se 73 mijë fëmijë janë vrarë ose dëmtuar rëndë në 25 zona konflikti që prej viti 2005.
Ndërsa që prej vitit 2010, numri i rasteve të verifikuaran nga OKB, të fëmijëve që po vriten është rritur ma hapa galopantë, deri në 300%.
Manuel Fontaine, drejtuesi i programeve emergjente të UNICEF tha se fëmijët në zonat e konflikteve anembanë botës po sulmohen në një shkallë tronditëse dhe brutale, nga konfliktet e partive që hedhin hapa duke shpërfillur ligjet ndërkombëtare./OraNews/
