Presidenti Ilir Meta gjatë një bashkëbisedimi me studentët e ekselencës në Tiranë ka folur në lidhje me zgjedhjet e zhvilluar ditën e diel në Kosovë si dhe për situatën politike në vendin tonë.
Meta tha se zgjedhjet e Kosovës ishin të shkëlqyera, ndërsa ka theksuar se “drama” e Shqipërisë për zgjedhjet vjen qe nga ndryshimet e Kushtetutës në vitin 2008, pas mbylljes së listave të partive.
“Zgjedhjet në Kosovë na duket sikur ishin zgjedhje në Danimarkë. Zgjedhje të shkëlqyera. Drama jonë fillon në 2008. Ajo që ndodhi me këto lista të mbylluara është një problem i madh. Edhe partitë u mbyllën dhe sistemi është bërë më i mbyllur. Nuk ka më deputetë që bëjnë oponencë. Kjo e ka goditur në thelb demokracinë parlamentare dhe ky problem duhet parë me kujdes edhe në reformën zgjedhore”,- tha Presidenti.
Po ashtu, Meta foli dhe për marrëdhëniet Kosovë-Shqipëri, ku theksoi se ato duhet të jenë më fytëdhënëse .
“Mendoj që marrdhëniet tona ka mundësi të jenë edhe më frytdhënëse. Në Kosovë u votua për të bërë një ndryshim. Ishte Haradinaj që i hapi rrugën ndryshimit. Ai ishte bërë një koalicion i vështirë për të ecur më tej. Tani qytetarët do kenë mundësinë të kenë një qeveri më të qëndrueshme dhe funksionale, edhe në përparimin e Kosovës edhe për dialogun me Serbinë”- tha Meta./ Opinion.al E.Xh.
