Ardhja në jetë e djalit të Drake ishte diçka jo e thjeshtë për reperin. Ai e pati shumë të vështirë ta pranonte se e ëma e djalit ka qenë një aktore filmash porno. Debati me reperin Pusha T nxori në dritë faktin që Drake ishte bërë baba. Ky i fundit e pranoi me anë të një kënge, në tekstin e së cilës shpalosej një rrëfim i ndjerë. Djali i tij, Adonis,erdhi në jetë më 24 tetor të vitit të shkuar në Francë. Edhe këngëtari ka lindurnë të njëjtën ditë.
Tanimë Drake flet hapur për marrëdhënien me nënën e djalit, Sophie Brussaux dhe për dashurinë që ka për të birin. Në një intervistë për LeBron James, ai është shprehur: “[i biri] ka sy blu dhe jam shumë i emocionuar që jam një baba i mirë”.
Drake foli edhe për marrëdhënien me nënën e djalit.
“Jam një baba beqar që po mësoj të komunikoj me një grua me të cilën …kemi kaluar disa gjëra. Dua të mund të jem i aftë t’ia shpjegoj tim biri se çfarë ndodhi, por nuk dua që ai të mos e dojë të ëmën”, është shprehur Drake.
Ai po ashtu ka shtuar se pavarësisht çfarë ka ndodhur, ai ka një dashuri pa kushte për nënën e fëmijës së tij.
