Shërbimet mjekësore të realizuara nga mjekë elitarë me eksperience ndërkombëtare duke sjellë diferencën në fushën e trajtimeve mjekësore në çdo specialitet, kanë qënë dhe janë synimi kryesor i spitalit Hygeia. Kjo është dhe arsyeja që ky spital vazhdimisht bashkëpunon me mjekë specialistë ndërkombëtare siç është dhe rasti i dr. Spyros Lazarou, kirurgut plastik kraniomaksilofacial dhe rikonstruktiv, , i cili tashmë është pjesë e stafit mjekësor “Hygeia” në Tiranë.
“ Jam Spiros Lazaru dhe jam mjek kirurg prej më shumë se 30 vitesh dhe kam ofruar shërbimet e mia në një serë institucionesh prestigjoze në Amerikë, Greqi dhe prej shumë kohësh edhe në Shqipëri. Tashmë jam pjesë e spitalit Hygeia, falë bashkëpunimit që kemi me mjeke specialist në Amerikë ne ofrojmë zgjidhje dhe për problemet më të vështira, dhe mjaft specifike si fytyrën dhe kokën, që janë zona mjaft komplekse të organizmit dhe për të cilat nevojitet kombinimi i disa specialiteteve”, tha ndër të tjera dr. Spiros Lazaru.
Doktor Lazaru është diplomuar me medalje nderi në universitetin amerikan “John Hopkins’ më pas është specializuar për kirurgji plastike dhe rikonstruktive në një prej dhjetë programeve më të mira amerikane, atë të Norfolk, ndërsa specializimin për Kirurgji Kraniomaksilofaciale e ka kryer pranë Departamentit amerikan të Kirurgjisë Plastike, në Universitetin e Pitsburg-ut.
“Synimi ynë këtu në spitalin Hygeia, është të krijojmë qëndrën dhe ekipin e specialistëve për të trajtuar çdo problem mjekësor në moshat pediatrike, të cilat zënë dhe pjesën më të madhe dhe më të rëndësishme të patologjive krahniomaksilofaciale, që ne trajtojmë siç janë anomalitë kongjenitale, siç janë deformimet e lindura të buzës që njihen ndryshe si buzë lepuri, palatoskisis, që njihet me termin gojë ujku, pra kur fëmijet lindin me buzë dhe qiellzë të çarë, si dhe probelme të tjera me skalpin dhe kafkën e kokës. Gjithashtu ne ofrojmë dhe kirurgji të nofullës, indeve të buta, kirurgji rikonstruktive për riparimin e deformimeve komplekse të shkaktuara nga traumat, aksidentet, apo edhe që shkaktohen nga sëmundja të rënda.”
Gjatë karrierës së tij së suksesshmë mbi 30-vjeçare në vende të ndryshme të botës, ai numëron më shumë se 8 mijë ndërhyrje kirurgjikale të realizuara. Dr.Lazarou aktualisht mban edhe postin e Shefit të Departamentit të Kirurgjisë Pediatrike Plastike dhe Kraniomaksilofaciale në Spitalin e Fëmijëve “IASO”, në Greqi.
