SPAK do të nis punë më 20 dhjetor, duke sjellë për rrjedhojë dhe shkrirjen e Prokurorisë së Krimeve të Rënda.
Por, ky ndryshim në sistemin e drejtësisë ngriti dhe pikëpyetjet se çfarë do të ndodh me dosjet të cilat janë në proces shqyrtimi nga Krimet e Rënda. Aktualisht , mësohet se janë 24 procese që do të kalojnë tek Gjykata Kundër Korrupsionit dhe Krimit të Organizuar.
Po ashtu, bëhet me dije se trupa që do të marrë vendimin për një çështje të caktuar, më parë duhet të marrë pëlqimin nëse gjyqtari dhe familja e tij të vendosen në survejim 24 orë.
Ndërkohë, disa nga dosjet të cilat do i kalojnë SPAK pas shkrirjes së Krimeve të Rënda janë Moisi Habilajt dhe ish-ministrit të Brendshëm, Saimir Tahiri, Domart Konjarit, Arbër Çekaj, etj.
Ndërsa përsa i përket një procesi që transferohen dosjet nga Krimet e Rënda te rrethet janë 37 gjykime që do të ndërpriten nga Krimet e Rënda dhe do ta kalojnë te rrethet, si psh; dosja e Ahmet Ajetit, kosovarit që akuzohet se tentoi të vrasë Lulzim Berishën.Dosjet të cilat do të kalojnë tek SPAK-u do të rishqyrtohen nga e para dhe më një trup tjetër gjykuese.
Në Gjykatën Kundër Korrupsionit dhe Krimit të Organizuar, (GJKKKO), do të zhvillohet procesi për vrasjen e kryekomisar Artan Cukut, ndërsa procesi per Bledar Jambellin dhe Kristaq Lecin pritet të kalojë për gjykim në gjykatën e shkallës së parë në Tiranë.
Një tjetër ngjarje e bujshme, e cila ndiqej te Krimet e Rënda do të transferohet në Vlorë në gjykatën e shkallës së parë. Bëhet fjalë për Kasem Pirjasin dhe Hysnie Hoxhallarin, kjo e fundit u arrestua pas vrau bashkëshortin e vjehrrën dhe më pas i vuri flakën që ngjarja të dukej aksidentale, më 21 janar 2018./ Opinion.al
