Deputeti i Partisë Demokratike, Oerd Bylykbashi gjatë fjalës së tij në Komisionin e Ligjeve ditën e sotme është shprehur kundër propozimeve të PS-së dhe PD-së për ligjin e dosjeve të ish-sigurimit të Shtetit duke i cilësuar si hipokrizi.
Bylykbashi tha se duhet të rikthehet ligji i vitit 2008 për lustracionin, ku sipas tij të gjithë funksionarët e aparatit shtetëror dhe politik të regjimit të largohen nga administrata dhe çfarëdo funksioni që mbajnë sot.
“Nëse na dëgjojnë ata që sot janë në varr, sot ata rrotullohen nga ftohtësia e hipokrizisë suaj. Ata sot se e kuptojnë që mund të ketë vdekur kot fare, se dikur edhe kanë qenë me atë bindjen se kanë qenë kundër një regjimi, tani ju trashigimtarët e atij regjimi thoni që e gjitha ka qenë kot, pasi ju kurrë nuk keni guxuar të bëni një meakulpa.
Po e them që në fillim çfarë mendoj unë, ne duhet të kthejmë ligjin e vitit 2008 për lustracionin. Lustracion preciz me mekanizma për të hequr të gjithë ata që e kanë shkaktuar atë gjëmë, duke filluar nga drejtuesit politik që ngritën atë regjim kriminal dhe te drejtuesit e gjithë aparatit shtetëror, prokurori, gjykata, Sigurimi i Shtetit.
Të gjithë ata janë anëtarë të Partisë Socialiste. Po të kishte funksionuar siç duhet ligji i ’95, PS jo vetëm që do të ishte boshatisur, por do të ishte mbushur me gjak të ri dhe ndoshta kursi i demokracisë shqiptare do të ishte krejt tjetër. Ishit ju që kërkuat të rrëzohej ligji i lustracionit në 2008-ën.
Tani po them qëndrimin tim politik: Të rikthejmë lustracionin me ligjin e 2008-ës.
Kjo gjë o bëhet mirë ose për ta bërë pis dhe llumë nuk bëhet. Unë mendoj se dhe duhen dënuar anëtarët e skuadrave të pushkatimit”, tha Alibeaj./Opinion.al
