Detaje të reja lidhur me vrasjen e gjyqtares së Shkodrës, Fildes Hafizi.
Ora News zbardh skemën e tentativës së largimit të ish bashkëshortit të saj, Fadil Kasemi menjëherë vendi i krimit duke hipur në një makinë tjetër dhe duke e kërcënuar me armë shoferin.
Vrasja-Nga kërkesa e prokurorisë së Krimeve të Rënda drejtuar gjykatës së Krimeve të Rënda mësohet se 39 vjeçarja kishte dalë nga parukierja dhe është futur brenda në automjetin e saj të parkuar aty pranë kur i është afruar ish bashkëshorti i saj me një pistoletë në dorë
Me datë 31.08.2017, rreth orës 13:50, në rrugën “Xhanfize Keko”, Tiranë, në kohën Fildez Hafizi, banuese në Tiranë, njëkohësisht me detyrë gjyqtare pranë Gjykatës së Rrethit Gjyqësor Shkodër, ka dalë nga parukeria “S…..” dhe është futur brenda në automjetin e saj të parkuar aty pranë, benz me targa AA 880 OS, në këtë kohë është afruar ish bashkëshorti i saj, shtetasi Fadil Kasemi me një pistoletë në dorë dhe ka qëlluar me armë në drejtim të shtetases Fildeze Hafizi, duke e lënë të vdekur në vend’ thuhet në kërkesën e prokurorisë të siguruar nga “Ora News”
Kasemi mori peng një shofer- “Më pas shtetasi Fadil Kasemi me psitoletën në dorë i ka dalë përpara një automjeti të rastit që po udhëtonte në drejtim të rrugës Bardhyl, automjetit furgon benz mercedez, me targa XXXX, që drejtohej nga shtetasi K.T., të cilit i ka thënë se kishte vrarë bashkëshorten e tij dhe nën kërcënimin e armës i ka kërkuar atij që ta largonte nga vendi i ngjarjes duke hypur brenda në automjet. Gjatë udhëtimit shtetasi K.T.ka përshkuar rrugën që të dërgonte pranë Komisariatit të Policisë nr.1 Tiranë” thuhet në kërkesën e prokurorisë të siguruar nga “Ora News”
Dorezimi ne polici- “Në kohën që i është afruar Komisariatit shtetasi K.T. e ka futur menjëhërë automjetin e tij brenda në ambjentet e Komisariatit të Policisë ku në këtë moment janë afruar menjëhërë punonjësit e policisë, të cilët kanë ndërhyrë dhe kanë bërë kapjen në flagrancë të shtetasit Fadil Kasemi duke i hequr armën pistoletë që mbante në duar” thuhet në kërkesën e prokurorisë të siguruar nga “Ora News”
Tre akuza per Kasemin mes tyre dhe pengmarrja – Nesër në Gjykatën e Krimeve të Rënda është vlerësimi i masës së sigurisë ndaj Fadil Kasemit.
Prokuroria kërkon ndaj tij masën e arrestit burg duke e akuzuar
1- Për kryerjen e veprave penale “Vrasja për shkak të marrëdhënieve familjare”
2-“Prodhimi dhe mbajtja pa leje e armëve luftarake dhe e municionit”,
3- “Rrëmbimi ose mbajtja peng e personit”
Të parashikuara nga nenet 79/c dhe 278/1 dhe 109/1 të Kodit Penal
