Pasi Gjykata e Posaçme ka caktuar datën 30 qershor, ora 10:00 për të zhvilluar seancën e parë në themel për dosjen e privatizimit të ish-klubit sportiv “Partizani”, ka reaguar në konferencën për mediat edhe kreu i PD, Sali Berisha.
Kryedemokrati Berisha deklaroi se ai dhe avokatët që e përfaqësojnë ende nuk kanë marrë në dorë vendimin e gjykatëses që çoi çështjen për gjykim, ndërsa theksoi se për hapat e radhës do të konsultohet me avokatët mbrojtës.
“Komenti im është vetëm ky, personalisht dhe trupa e avokatëve të mbrojtjes nuk ka gjer sot në dorë vendimin e marrë nga gjykatësja që ka dërguar çështjen për gjykim. Nuk kemi vendimin, edhe kjo ndodh. Të gjitha të tjerat do përcaktohen në konsultat me avokatët”, tha Berisha.
