Saimir Tahiri është politikani që u duk se ra në greminë! Ndaj ti u pre një fletë-arresti, që nuk u ekzekutuar kurrë pasi u mbrojt nga mazhoranca në kuvend. Ndonëse nga tetori deri në dhjetor 2017 hetimet për të dukeshin në rrugë të mbarë, gjithçka ndryshoi kur në krye të akuzës u vendos prokurore e përgjithshme e përkohshme Arta Marku.
Edhe pse i dyshuar për trafik ndërkombëtar droge me kushërinjtë Habilaj, ish-ministri i Brendshëm ka bërë vetëm 1 javë “arrest shtëpie”, ndërsa tashmë prêt i qetë hetimet, teksa na shfaqet në rrjetet sociale, duke kaluar bukur pushimet. Sot Saimir Tahiri u bë lajm në gjithë mediat, teksa i mësonte të birit, Drinit, zhytjen në det.
Pse jo?
Hetimet për të duket se kanë ngrirë. Deri më tani prokuroria ka kaluar 3 herë afatet e hetimit, dhe tre herë ka kerkuar shtyrje në gjykatë. Sakaq, Gushti duket se i ka gjetur me pushime të gjithë. Shto këtu faktin se kryeprokurorja është “kujdesur” të çmontojë trupën e prokurorëve që nisin hetimet për Tahirin.
Elisabeta Ymeraj nga prokurore në Krimet e rënda, u komanduar drejtuese e prokurorisë së Tiranës. Gentian Osmani është nën “kthetrat” e vetingut sepse fillimisht u konfirmua në detyrë, por ONM ankimoi mendimin. Besim Hajdarmataj është shkarkuar nga drejtimi i Prokurorisë së Krimeve të Rënda.
Burimet thanë se hetimet për ish-ministrin e Brendshëm Sajmir Tahiri dhe të akuzuarve të tjerë të dosjes nuk kanë gjasa të përfundojnë as në muajin tetor kur është edhe afati i përfundimit të zgjatjes tre mujor të fundit. Prokurorët do të mbidhen në shtator për të vendosur për veprimet që do të kryhen në vijimësi me dosjen ndërkohë që pritet mbërritja e lëtërporosive nga tre shtete si dhe verifikimet e bankave dhe hipotekave për pasuritë.
Me zgjatjen e fundit tre mujore hetimet duhet të përfundonin në 17 tetor por deri në këtë afat mbyllja e dosjes sipas burimeve është e pamundur.
/Opinion.al
