Italianëve u janë dashur 4 vite të hetojnë dhe të arrestojnë Habilajt e Vlorës që trafikuan disa ton hashash drejt brigjeve italiane. Në ato përgjime doli edhe ish-ministri i Bendshëm, Saimir Tahiri, i cili tashmë është objekt i një hetimi që ka nisur në Shqipëri ndaj tij. Por edhe pse hetimet kanë nisur, ende gjithë materiali i ardhur nga Italia nuk ishte i përkthyer.
Sot ministrja Gjonaj tha se dosja voluminoze prej 1800 faqesh është gati në Gjuhën Shqipe dhe do ti përcillet Prokurorisë së Krimeve të Rënda.
“Sot jemi në ditën ndërkombëtare të fëmijëve dhe nuk dua të ngatërrohemi me dosje. Ne kemi kryer të gjitha procedurat sipas ligjit, ka dhe një dosje voluminoze, besoj sot do t’ia transmetojmë Prokurorisë. Dosja na ka ardhur para gati dhjetë ditësh. Ka përfunduar përkthimi dhe do ta dorëzojmë sot”, tha Gjonaj. /Opinion.al
