Të tjera detaje janë zbardhur lidhur me dosjen hetimore të SPAK të ish-zëvendëskryeministrit Arben Ahmetaj.
Disa nga të dhënat në këtë dosje kanë të bëjnë me komunikimet që Ahmetajt ka patur me Mirel Mërtirin që në vitin 2012.
“Mes Ahmetajt dhe Mërtirit ka pasur komunikim të afërt për sa kohë ata i drejtohen njeri-tjetrit me nofka dhe ata flasin me detaje për gjithçka ndodh mes tyre. Në një moment Mërtiri e pyet Ahmetajn dhe i thotë që “gjithë PS dhe udhëheqja e PS ka zbarkuar në Korçë”. Ahmetaj i përgjigjet “Unë isha i ftuar por ndodhem jashtë Shqipërisë në udhëtime”. Në kuadër të këtij akt ekspertimi rezulton se Ahmetaj komunikon me ish-kryetarin e Bashkisë së Fierit, Baftjar Zeqo të cilit i kërkon të komunikojnë dhe të ulen bashkë me Mërtirin në kafe dhe më pas vijojnë komunikimet mes Zotos, Mërtirit dhe ish-kryetarit të bashkisë”,-janë disa nga komunikimet që janë zhvilluar mes Ahmetaj dhe Mërtirit, sipas “News24”.
SPAK pretendon se ka prova që Ahmetaj ka përfituar 500 mijë euro si dhe dy vila në Palasë dhe Hamallaj nga afera e inceneratorëve.
