Dosja “Babale” vazhdon të prodhojë akuza politike. Partia Demokratike këtë të dielë thotë se nga përgjimet zyrtare është provuar që 4 prokurorë të Krimeve të Rënda u përdorën për të mbrojtur vëllain e ish-ministrit të Brendshëm.
Çlirim Gjata, sekretar i çështjeve ligjore në PD thotë se pas publikimeve të përgjimeve zyrtare prokuroria duhet të merrte të pandehur, Taulant Ballen, Fatmir Xhafajn, Ard Veliun, Albert Nushin dhe një sërë strukturash policore.
PD thotë se përgjimet zyrtare të prokurorisë faktojnë se pushteti kriminal i Edi Ramës e sajoi dëshmitarin e rremë dhe e pagoi atë për të shpëtuar veten dhe për përdorur kundër opozitës.
Akuzat e PD
- Përgjimet faktojnë që prokuroria, në shkelje të ligjit, nuk ka zbardhur disa përgjime, ku dëshmitari i sajuar flet për Taulant Ballën dhe drejtorin e Përgjithshëm të Policisë së Shtetit.
- Përgjimet faktojnë se me Edi Ramën, pushtetin real e kanë kriminelët, se Drejtori i Policisë së Fierit është një shërbëtor i dëshmitarit të rremë dhe që detyrohet ta mbajë me para për të sajuar kundër opozitës.
- Përgjimet faktojnë degradimin e Prokurorise nënshtrimin ndaj krimit dhe politikes. Perdorimi i saj për interesa kriminale politike kundër kundërshtarit politik që denoncon lidhjet e qeverisë me krimin./Opinion.al
