Kalojnë afatet e paraburgimit për Astrit Avdyli, Yasin Kala dhe Denis Llaftiu, tre të arrestuar në kuadër të operacionit “Volvo 4” lidhur me dosjen 339. Mësohet se tashmë të tre këta të dënuar do të kalojnë në masën e sigurisë arrest në shtëpi me mbikëqyrje policore 24 orë tek dera. Sipas ligjit parashikohen 12 muaj paraburgim deri në dhënien e vendimit, ndërkohë që per Avdylajn dhe dy të tjerët, kanë kaluar tashmë 14 muaj dhe ende nuk është dhene vendimi i shkalles së parë.
Operacioni Volvo 4
Policia e Shtetit goditi familjen Avdyli në Shijak duke arrestuar tre vëllezërit, kushëririn e parë të tyre dhe mbi 20 anëtarë të bandës që akuzohet për trafik heroinë në Shqipëri dhe në Gjermani, ndërsa numëron dhjetëra biznese, mes tyre hoteli luksoz në Durrës ‘Germany’. Të arrestuar ishin vëllezërit; Astrit Avdyli, që është cilesuar si koka e bandës dhe Shkëlqim Avdyli. Ndërsa përpos tyre u prangos kushëriri i parë, Jasim Avdyli së bashku me H. Hoxha, të dënuar në Turqi për trafik heroine dhe mbi 20 persona të tjerë./Opinion.al
