Eurodeputetja Doris Pack ka deklaruar se zv. Presidenti i Parlamentit Europian McAllister është ndërmjetësi i duhur për zgjidhjen e krizës në Shqipëri.
Pikërisht në ditën kur McAllister nis negociatat ajo thotë se Shqipërisë i duhet një “qeveri për zgjedhjet”. Pack thotë se situata është kritike dhe se duhet negociuar menjëherë.
Deklaratat u bënë gjatë mbledhjes së Bordit Drejtues të Forumit të Grave të Partive Popullore Europiane që u mbajt në Bruksel nën kujdesin e Presidentes Doris Pack.
Kryetarja e Lidhjes Demokratike të Gruas së Shqipërisë, Albana Vokshi raportoi rreth zhvillimeve më të fundit politike në Shqipëri dhe dhe shprehu vendosmërinë e PD për të garantuar zgjedhje të lira dhe të ndershme, thuhet në njoftimin e zyrës së shtypit.
Pjesë nga deklarata e eurodeputetes Pack
Ajo çfarë po ndodh në Shqipëri aktualisht është një çmenduri. Vendi i mbushur i gjithi me drogë, një rrezik jo vetëm për kthimin e Shqipërisë në vend kryesor për prodhim dhe eksport droge, por për mjedisin ku rriten fëmijët shqiptarë.
Në Parlament dhe administratë mbahen me dhjetra persona me rekorde kriminale se kanë paguar për pushtetin e Ramës, ndërkohë profesionistët hiqen nga puna për bindje politike.
