Kronikë

Dorëzohet në polici Gjovalin Alia, bashkëpunëtori në vrasjen e Eri Zefit


               Publikuar në : 10:18 - 12/11/19 |
xhu lia

Është dorëzuar në polici, Mikel  (Gjovalin) Alia, shoku i fëmijërisë dhe bashkëpunëtor në vrasjen e 34-vjeçarit, Eri Zefi në fshatin Zall-Xhuxhë të Mirditës. Ka qenë Alia ai që e dorëzoi Zefin tek ekzekutuesit mbrëmjen kur mbeti i vrarë.

Ngjarja ndodhi më 2 Tetor të këtij viti, ku Zefi u gjet i mbuluar me gjak me 6 plumba në trup. Mendohet se 34-vjeçari u ekzekutua për motivin e gjakmarrjes.

Prej muajsh ai ruhej dhe daljet e tij ishin të kufizuara pasi, në shkurt të këtij viti, vëllai i tij, Ndue Zefi kreu një vrasje për motive të dobëta.

Ndue Zefi vrau fqinjin e tij, 45-vjeçarin Martin Ndreca pas një sherri për motive të dobëta. Ngjarja ka ndodhur në qytetin e Durrësit dhe pak ditë pas krimit, Zefi u dorëzua në polici.

Njoftimi i Policisë:

Mirditë

Në vijim të veprimeve për zbardhjen e ngjarjes së ndodhur në Fan,Mirditë, ku mbeti i vrarë me armë zjarri shtetasi E.R., ju informojmë se:

Si rezultat i punës hetimore të kryer nga grupi i posaçëm hetimor nën drejtimin e Prokurorisë së Rrethit Gjyqësor Lezhë u bë e mundur identifikimi dhe shpallja në kërkim e autorit të dyshuar të kësaj ngjarje.

Policia në vijim dhe pa ndërprerë ushtroi kontrolle të shumta dhe përdori metodat speciale të hetimit për të bërë të mundur kapjen e autorit.

Njëkohësisht Grupi i posaçëm hetimor negocioi me familjarët e autorit të dyshuar që ti dorëzohej organeve të drejtësisë

Sot nga Policia e Lezhës u bë ndalimi i shtetasit M(Gj).A.,i dyshuar për vepren penale “Vrasje me paramendim e kryer në bashkëpunim” dhe “Prodhimi dhe mbajtja pa leje e armeve dhe municionit luftarak”

Materialet iu referuan Prokurorisë pranë Gjykatës së Shkallës së Parë Lezhë, për veprime te mëtejshme./Opinion.al/

 

Pas