Mediat e huaja kanë raportuar për dorëzimin e mandatit të deputetit të ish ministrit të Brendshëm Saimir Tahirit.
Prestigjiozja amerikane, Washington Post, ka publikuar një raportim të Associated Press për vendimin e Saimir Tahirit që dorëzojë mandatin e deputetit.
Ajo që vihet re në artikull është një mossaktësi, ku thuhet se një vit më parë parlamenti i hoqi imunitetin Saimir Tahirit. Kujtojmë që Tahiri është nën hetim nga Prokuroria e Krimeve të Rënda prej 6 muajsh për trafik droge. Ai është përjashtuar nga grupi parlamentar i PS. Atë kohë PS nuk votoi për heqjen e imunitetit si deputet edhe pse Krimet e Rënda kërkuan ta hetojnë atë jashtë mandatit të deputetit.
Artikulli i plotë:
“Ish-ministri i Brendshëm i Shqipërisë, ka dhënë dorëheqje si deputet për të lejuar hetuesit që të provojnë përfshirjen e tij të supozuar në një rrjet të trafikimit të drogës.
Saimir Tahiri tha të enjten se heq dorë nga ky post në mënyrë që hetimi të mos interferojë me rrugën e integrimit të Shqipërisë drejt Bashkimit Europian”.
“Tahiri, që ka shërbyer si ministër i Brendshëm nën qeverinë socialiste nga viti 2013 deri në vitin 2017, akuzohet për lidhje të dyshuara me një grup të dyshuar për trafikimin e sasive të mëdha të kanabisit. Disa nga liderët e grupit janë arrestuar në Shqipëri dhe Itali.
Tahiri ka mohuar lidhjet me grupin.
Vitin e shkuar, parlamenti i hoqi imunitetin Tahirit, në mënyrë që prokurorët të mund ta pyesin dhe t’i kontrollojnë banesën.
Shqipëria pret që Këshilli Europian të miratojë nisjen e bisedimeve të anëtarësimit në qershor”.
Linqet e lajmeve:
https://www.washingtonpost.com/world/europe/albanian-ex-minister-under-probe-resigns-as-lawmaker/2018/05/03/21c1416e-4ebc-11e8-85c1-9326c4511033_story.html?noredirect=on&utm_term=.26bdfe90c8bd
https://www.apnews.com/4d6d6801832c47af8cfcb35586536b9e/Albanian-ex-minister-under-probe-resigns-as-lawmaker
/OPINION.AL
