Akuza për mashtrim dhe arrestimi i tij, e kanë detyruar Martin Shkrelin, të japë tashmë dorëheqjen si Drejtor Ekzekutiv i kompanisë “Turing Pharmaceuticals”.
New York Times raporton se Ron Tilles ka zënë vendin e Shkrelit në postin e drejtorit ekzekutiv. Pronari i kompanisë së barnave kundër AIDS-it u arrestua paraditen e së enjtes nga FBI-ja pas një hetimi të nisur që nga viti 2011.
Ndërkaq Bloomberg Business raporton se prokurorët e kanë akuzuar 32-vjeçarin për pagesa dhe marrëveshje sekrete të lidhura me MSMB Capital Management.
Shkreli u bë i njohur në botë për shtrenjtimin e barnave të AIDS-it nga 13 dollarë në 750 për një tabletë.
