Pas arrestimit të vartësve të tij për korrupsion, Drejtori i Hetimit Tatimor, Ervin Hoxha ka dhënë dorëheqjen. Për vendimin ai ka njoftuar vetë kryeministrin Edi Rama.
“I nderuar zoti Kryeministër. Me cilësinë e Drejtorit të Hetimit Tatimor, ndiej përgjegjësinë time të drejtëpërdrejtë për shfaqjen e turpshme të tre inspektorëve. Në këto kushte nuk mund të vazhdoj më ushtrimin e kësaj detyre. Sa më sipër, kërkoj dorëheqjen time të parevokushme nga ky funksion. Ju faleminderit për besimin”, thuhet në mesazh.
Policia arrestoi Ermal Harizajn, Ervin Pupulekun dhe Arben Dishën, pasi i kishin marrë administratores së një lokali në Kavajë 40 mijë lekë. Ajo e kishte denoncuar rastin te kryeministri Rama gjatë një takimi me qytetarët.
