I konsideruar si një nga njerëzit më të pushtetshëm të mediave në SHBA, shefi ekzekutiv i rrjetit mediatik “CBS”, dukej i pamposhtur në detyrën e tij të cilën e ushtronte prej 15 vitesh.
Por sot në moshën 68-vjeçare, Leslie Roy Moonves ka dhënë dorëheqjen pas akuzave për ngacmime seksuale.
Hetimet për Moonves filluan pas akuzave të bëra publike në faqen e internetit të revistës “The New Yorker”, në një artikull të shkruar nga Ronan Farrow.
Ndërkohë të dielën akuzat ndaj tij u ngritën edhe nga gjashtë gra të tjera, mes të cilave shkrimtarja Illeana Douglas, skenaristja Janet Jones dhe producentja Christine Peters.
Kjo bëri që Les Moonves të jepte menjëherë dorëheqjen.
Por pavarësisht kësaj, ai ka vazhduar t’i mohojë akuzat e ngritura ndaj tij, duke theksuar se po e bënë këtë pasi dëshiron më të mirën për kompaninë, bordin e ri të drejtorëve dhe të gjithë punonjësit e saj.
“CBS” ka deklaruar se do të dhurojë 20 milionë dollarë për një ose më shumë organizata që mbështesin barazinë e grave në vendin e punës.
Tv Klan
