Ambasada britanike në vendin tonë ka reaguar pas dorëheqjes së Lulzim Bashës nga drejtim i PD.
Nëpërmjet një reagimi në “Facebook”, selia diplomatike shkruan se respekton vendimin Bashës, duke theksuar se inkurajon një proces zgjedhor të brendshëm të lirë dhe të ndershëm, që të lejojë PD-në të ecë përpara,në mbështetje të së ardhmes Euro-Atlantike të Shqipërisë.
Postimi
Respektojmë vendimin e Lulzim Bashës për t’u dorëhequr si Kryetar i Partisë Demokratike. Ne inkurajojmë tashmë një proces zgjedhor të brendshëm të lirë dhe të ndershëm, që të lejojë PD-në të ecë përpara,në mbështetje të së ardhmes Euro-Atlantike të Shqipërisë.
Çdo demokraci ka nevojë për një opozitë të fortë, që mban përgjegjëse qeverinë dhe ofron një alternativë sa më të mirë për qytetarët. Të gjitha partitë politike duhet të promovojnë dhe zgjedhin përfaqësues me standardet më të larta etike dhe profesionale.
