Presidenti Ilir Meta ka reaguar pas dorëheqjes së Hashim Thaçit nga posti i Presidentit të Kosovës.
Përmes një postimi në rrjetet sociale, Meta vlerëson aktin e Thaçit, ndërsa shkruan se beson në pafajësinë e tij e të gjithë bashkëluftëtarëve, sikundër është konfirmuar edhe në të kaluarën.
“Lufta e Ushtrisë Çlirimtare të Kosovës ka qenë e drejtë dhe heroike.Vlerësoj aktin e dorëheqjes së Presidentit të Republikës së Kosovës, Hashim Thaçi, për t’u ballafaquar me akuzat dhe besoj në pafajësinë e Tij e të gjithë bashkëluftëtarëve, sikundër është konfirmuar edhe në të kaluarën. Ky është një moment reflektimi për të forcuar më shumë bashkëpunimin dhe unitetin, në interesin më të mirë kombëtar.”-shkruan Meta.
Thaçi dha ditën e sotme dorëheqjen pas konfirmimit të aktakuzës nga Gjykata e Hagës.
