Detaje të reja janë publikuar nga ngjarja tragjike e ndodhur në Laconia të Greqisë, ku një 40-vjeçar shqiptar vrau gruan duke e mbytur me duar.
Sipas asaj që raporton Protothema, autori nuk kishte precedentë penalë në të kaluarën , ndërsa gruaja nuk kishte bërë asnjë denoncim për dhunë në familje.
Dëshmitarët thanë se të dielën mbrëma çifti- punëtorë ferme, të cilët jetonin në fshat për tre vitet e fundit – u grindën ashpër, ndërsa dy fëmijët – djemtë e moshës 8 dhe 10 vjeç – flinin në dhomën tjetër.
Gjatë sherrit situata ka agravuar, dhe si pasojë 40-vjeçari ka mbytur bashkëshorten 36-vjeçare dhe më pas është zhdukur nga shtëpia. Megjithatë, pak më vonë ai thirri policinë, duke thënë: “Ejani , se me siguri e kam mbytur gruan time”.
Kur policia mbërriti në shtëpi, e gjeti gruan të vdekur në shtrat dhe ai ishte ulur pranë saj. Në akuzat e para, 40-vjeçari theksoi se janë përleshur pasi 36-vjeçarja ka dashur ta linte.
Ndërkohë policia greke njoftoi se në orët e para të ditës së sotme, datë 6 dhjetor 2021, në një komunitet lokal të Bashkisë së Spartës, Lakonia, u arrestua nga efektivët e Policisë së Evrotas një 40-vjeçar, i akuzuar për vrasjen e një gruaje 36-vjeçare.
40-vjeçari ka pasur telefonuar në Drejtorinë e Policisë, gjatë së cilës ka njoftuar se pas një sherri që ka pasur me bashkëshorten e tij, e ka mbytur me duar. Punonjësit e policisë kanë shkuar në shtëpinë e tyre, ku 36-vjeçarja është gjetur pa ndjenja, është transportuar në Qendrën Shëndetësore Vllachioti dhe ka gjetur vdekjen.
Hetimet paraprake po kryhen nga “Departamenti i Sigurisë Sparte”./Opinion.al
