Elisa Spiropali, ministrja e Shtetit për Marrëdhëniet me Parlamentin, ka folur në lidhje me zhvillimin e zgjedhjeve të 30 qershorit.
Spiropali është shprehur gjatë një emisioni televiziv se Partia Socialiste ka mbrojtur sistemin e demokracisë, pasi opozita vendosi të heq dorë nga mandatet e deputetit dhe të bojkotonte zgjedhjet.
Ministrja tha se opozita u përpoq që të rrëzonte kryeministrin Edi Rama, por dështuan, duke shtuar se “çfarë nuk të vret, të bën më të fortë, thotë Niçja”
“Ne i kemi bërë një mbrojtje sistemit. U përpoqën të rrëzonin Ramën, por nuk ia arritën dhe çfarë nuk të vret, të bën më të fortë, thotë Niçja”,-u shpreh Spiropali.
Sipas saj, tashmë demokratët duhet të pranojnë humbjen dhe t’i kërkojnë llogari kreut të PD, Lulzim Basha për vendimin e djegies së mandateve./Opinion.al E.Xh.
