Donika Prela para Vettingut, ja data kur do ti nënshtrohet procesit

Donika Prela me detyrë Drejtuese e Prokurorisë së Krimeve të Rënda do të dalë përballë trupës së Vettingut më datë 22 Janar.

Prela do të jetë drejtuesja e parë e lartë e organit të hetimit që do ti nënshtrohet këtij procesi.

Sipas kalendarit të përcaktuar nga Komisioni i Pavarur i Kualifikimit, Prela do të japë shpjegime për pasurinë dhe karrierën profesionale.

Trupa gjykuese që do të marrë në shqyrtim Prelën do të përbëhet nga Roland Ilia, Olsi Komici dhe Valbona Sanxhaktari.

Vetëm një ditë para seancës së Prelës, kontrollit të vetingut do ti nënshtrohet, Altin Binaj, Drejtuesi i Prokurorisë së Apelit të Vlorës.

Përballë tij do të jetë trupa gjykuese e udhëhequr nga, Genta Tafa Bungo, Pamela Qirko dhe Xhensila Pine.