Donald Trump është i paarritshëm me batutat e tij të fushatës elektorale. I famshëm për premtime të tilla si ai për ndalimin e hyrjen në territorin amerikan të të gjithë myslimanëve, pjesë kjo e masave kundër terrorizmit, Trump hedh bombën e radhës në takimin elektoral në Ajoua.
“Mund të qëlloj me armë të drejtim të njerëzve në mes të Fifth Aveniusë, bulevardit më të famshëm në qendër të Nju Jorkut dhe të mos humb asnjë votues”, u shpreh Trump. Në këtë mënyrë, ai donte të tregonte se sa të qëndrueshëm në bindjet e tyre, i kishte mbështetësit në garën brenda republikanëve, për t’u zgjedhur kandidati i tyre për president në garën e 8 nëntorit në Shtetet e Bashkuara.
Dhe në fakt është e vërtetë. Në sondazhet për takimin e Ajouas zhvilluar të shtunën, Trump e çoi në 37% mbështetjen mes votuesve për këtë shtet federal, ku tani është në avantazh me 11% ndaj Ted Kruzit, i cili deri para debatit mbante kryesimin. Ndërsa në shkallë kombëtare Trump ka një mbështetje 40.6% mes republikanëve, mbi 20% më shumë se Cruz, çka tregon qartë se ai do të jetë fituesi i zgjedhjeve paraprake të fillimshkurtit në parti.
