Presidenti Trump deklaroi ditën e sotme se ka kryer testin e koronavirusit dhe është në pritje të rezultateve.
Siç raporton Fox News, Trump e bëri lajmin të ditur para një konferencë për shtyp në Shtëpinë së Bardhë, ku gjithashtu zbuloi se kishte matur temperaturën dhe ishte mirë. Temperatura i është matur edhe personave që janë pjesë e stafit të Trump.
Presidenti shtoi se analiza e tij për koronavirus është dërguar në një laborator dhe rezultatet do të dalin për një ose dy ditë.
“Unë bëra analizën. Dëgjova fjalën tuaj”, tha presidenti i Amerikës.
Trump ka qenë në kontakt me individë që më vonë kanë testuar pozitiv me COVID-19, duke nxitur dyshime nëse presidenti duhet të futet në karantinë dhe të testohet./Opinion.al
