TIRANE- Ambasadori amerikan është duke zhvilluar një intervistë online me qytetarët në faqen e facebook të ambasadës. Siç njihet tashmë si diplomat që flet drejtpërdrejt dhe pa diplomaci, Lu inkurajon shqiptarët të denoncojnë të gjitha aktet korruptive. I pyetur se kush duhet ti largojë të inkriminuarit nga politika, ai thotë se duhet ta bëjnë liderët politikë.
Donald Lu: Ndryshimi i Shqipërinë do të fillojë me ligje te reja – për dekriminalizimin, Zyren Kombëtare te Hetimeve, dhe reformën e gjyqësorit. Por vetëm ligjet nuk do të ndryshojnë Shqipërinë. Implementimi është puna e vështirë. Gjyqtarët dhe prokurorët e korruptuar duhet të pushohen nga puna dhe të ndiqen penalisht. Politikanët e inkriminuar duhet të hiqen nga liderët e partive politike, nga parlamenti dhe nga pozicionet lokale. Ministra të korruptuar, të mëparshëm dhe të tanishëm, duhet të mbahen përgjegjës për krimet e tyre. Populli shqiptar duhet të kërkojë që kjo të ndodhë.
