Ambasadori amerikan Donal Lu edhe një herë është deklaruar shpresëplotë se organet e reja të dala nga reforma në drejtësi do të ndëshkojnë politikanë dhe njerëz me pushtet. Në një prononcim për Top Channel ai ka deklarur se KLP dhe KLG do të ngrihen së shpejti bashkë me SPAK-un.
Çfarë po e vonon ngritjen e Këshillit të Lartë të Gjyqësorit, Këshillit të Lartë të Prokurorisë, SPAK dhe Byroja Kombëtare e Hetimit?
Donald Lu: Vonesat kanë ardhur për dy arsye. E para, ishte kundërshtimi i ligjit të Vettingut nga opozita. Ata e humbën këtë sfidë. E dyta, ishte vonesa në gjetjen e kandidatëve të kualifikuar jashtë sistemit të drejtësisë për anëtarët e KLGJ-së dhe KLP-së. Tashmë, të dyja këto çështje janë zgjidhur. Kandidatët për këto institucione janë duke kaluar në procesin e Vettingut. Ata do të jenë funksionalë shumë shpejt.
Pse nuk ka optimizëm apo besim tek ky proces?
Donald Lu: Nuk është për t’u habitur që politikanët vazhdojnë të kritikojnë dhe të mbjellin dyshime për këto struktura. Ata ishin dikur të paprekshëm. Tani ata kanë frikë!
