Aktualitet

Doli në përgjime duke blerë vota, kandidati i LSI: Video është montazh


Bëhu pjesë e Grupit Zyrtar të Opinion.al
>> KËTU <<
               Publikuar në : 14:08 - 23/04/21 |
Opi Nion

Kandidati për deputet në qarkun e Tiranës nga LSI Etion Joka ka reaguar ditën e sotme për audiopërgjimine publikuar ku pretendohet se ky i fundit është duke bërë pazar për blerjen e votave të qytetarëve.

Nëpërmjet një reagimi në rrjetet sociale Joka shkruan se ndihet i zhgënjyer nga media të cilën ka adhuruar që i vogël, teksa videon e konsideron si montazh.

Ndër të tjera kandidati i LSI njofton se të gjithë këtë montazh do ta ndjekë në rrugë ligjore, por pas 25 prillit.

Më vjen keq që media që unë që fëmijë kam adhuruar, Top Channel, është marrë peng nga banda e inceneratorëve duke u kthyer në Fake Channel.

Banda e Inceneratorëve sajon montazhe të paqëna, për arsye se unë jam ballë për ballë me Alqi Bllakon, kandidatin e bandës së inceneratorëve.

Duke parë që Alqin se voton më njeri se ndërkohë që shqiptarët janë pa punë, ai i jep babait të tij 10 milionë lekë në muaj rrogë shteti, Banda e Inceneratorëve sajon, monton, tenton, por e kanë të kotë.

Fundi i montazheve ka qenë i turpshëm ashtu siç do jetë dhe fundi i Rilindjes në 25 Prill. Çështjen e këtij montazhi do ta ndjek edhe në rrugë ligjore pas 25 Prillit. Deri në 25 prill përpara të bëjmë çdo gjë për fitoren e madhe.”- shkruan Etion Joka.

Kujtojmë se, teksa na ndajnë vetëm 48 orësh nga zgjedhjet parlamentare, forcat politike janë duke akuzuar njëra-tjetrën për blerje votash./Opinion.al

Pas