Kronikë

Doli i gjallë nga makina,momentin pas shpërthimit Sadikaj u ndihmua nga 2 persona



Bëhu pjesë e Grupit Zyrtar të Opinion.al
>> KËTU <<
               Publikuar në : 22:01 - 11/06/22 |
Opi Nion

Gazetari i Klan News, Besar Bajrakraraj ka siguruar pamjet pak momente pas shpërthimit të makinës së të riut Aleksandër Sadikaj, i cili humbi jetën këtë të shtunë në Tiranë.

Pamjet janë të rënda. 27-vjeçari mbahet nga krahët nga dy persona që i erdhën në ndihmë. Nga shpërthimi ai pësoi dëmtime të rënda në gjymtyrë, dëmtime të cilat rezultuan fatale. Sadikaj doli i gjallë nga makina, por pak kohë më pas ndërroi jetë në spital.

27-vjeçari po udhëtonte në autostradën Tiranë-Elbasan, për të dalë nga kryeqyteti, kur rreth orës 14:00 të së shtunës makina u hodh në erë. Mjeti tip Golf u përfshi i gjithi nga flakët.

Makina shpërtheu në Unazën e Madhe të Tiranës, jo më shumë se 500 metër larg rrethrrotullimit pranë TEG në një orar me mjaft lëvizje. Për shkak të shpërthimit në ecje, hetuesit dyshojnë se lënda eksplozive është aktivizuar me telekomandim.

Sadikaj jetonte në Berat dhe Tiranë ndërsa kishte edhe një resort me kuaj në afërsi të Tepelenës, nga ku publikonte shpesh foto në rrjetet sociale.

Ai është një personazh i njohur për policinë. Skeda e tij kriminale nis që prej vitit 2011 me grabitje, kundërshtim të punonjësit të policisë, goditje për shkak të detyrës dhe në vitin 2019 për vrasje të mbetur në tentative për një plagosje me thikë në Sarandë.

Gazetari Bajraktaraj raporton po ashtu se 27-vjeçari dyshohet të ketë kryer një vrasje në Athinë rreth 5-6 vite më parë, për shkak të prishjes së pazareve të drogës.

Ndërkohë, brenda makinës së shkrumbuar të 27-vjeçarit policia gjeti edhe një pistoletë. Grupi hetimit po mundohet të ndërtojë edhe njëherë itinerarin e lëvizjeve të të riut gjatë premtes dhe të shtunës, për të hedhur dritë mbi momentin kur është vendosur lënda plasëse./tvklan.al

 

 

Pas