Aktualitet

Dokumenti/ U rendit e dyta, Arta Marku i kërkon KLP detajet e pikëzimit


               Publikuar në : 16:16 - 19/11/19 |
xhu lia

Kandidatja për Prokuror të Përgjithshëm, Arta Marku i është drejtuar me një kërkesë, Komisionit të Lartë të Prokurorisë për ti vënë në dispozicion pikëzimin e detajuar të përpiluar nga secili prej anëtarëve gjatë plotësimit të listës me tre emra që iu dërgua Kuvendit për votim.

Ajo u rendit e dyta në listën për Prokuror të Përgjithshëm, me 406 pikë pas prokurorit Olsian Çela me 459 pikë, ndërkohë që Fatjona Memçaj  është renditur e treta me 362 pikë.

Në kërkesën e saj, Arta Marku kërkon informacion për pikëzimin në mënyrë që të ushtrojë të drejtën e saj për ankimim kundër vendimit të Këshillit.

KLP miratoi më 14 nëntor me shumicë votash listën lidhur me renditjen e kandidatëve për Prokuror të Përgjithshëm me mandat kushtetues. Në fund të mbledhjes KLP bëri gjithashtu të ditur se afati për ankimim është tre ditë pasi miratimi i listës, pra 17 nëntor, ndërsa kërkesa e Arta Markut është bërë në datë 19 nëntor, pra dy ditë pasi ka kaluar afati.

Ende nuk ka një përgjigje nga KLP në lidhje me kërkesën e saj.

Dje KLP bëri të ditur se nuk ka ankimim të vendimit për listën e kandidatëve për prokuror dhe njoftoi se të mërkurën lista do ti shkojë Kuvendit i cili ka 30 ditë kohë për të votuar një nga tre kandidaturat. Nëse Kuvendi nuk arrin të zgjedhë një kandidat me 84 vota brenda këtij afati, atëherë emërimin e bën Këshilli i Lartë i Prokurorisë. /Opinion.al

Pas