Me vendim të Këshillit të Ministrave janë rritur pagat për administratën në Kryeministri, ministri dhe disa institucione të tjera shtetërore. Por ajo ç’ka vihet re në VKM e datës 8 Mars është se disa pozicione në Kryeministri dhe në Ministrinë e Financave janë vlerësuar më shumë financiarisht me një motivacion jo bindës dhe diskriminues për punonjësit e tjerë.
Kësisoj mund të shihni se si Rama ka vendosur që sekretari i përgjithshëm në Kryeministri, drejtori i ligjeve dhe drejtori i antikorrupsionit përfitojnë rritje me 200 mijë lekë (të vjetra) mbi pagën mujore. Po kështu (shih.VKM) edhe në Ministrinë e Financave pozicionet: Sekretari i Përgjithshëm dhe disa drejtorë apo zëdhënësi kanë përfituar rritje page me 200 mijë lekë.
Siç shihet qartë në VKM e miratuar 3 muaj para zgjedhjeve të përgjithshme të 18 Qershorit, janë rritur pagat për punonjësit e Kryeministrisë dhe ministrive, por nuk ka asnjë rritje page për punonjësit e shtetit në Presidencë dhe Kryesinë e Kuvendit.
Në VKM datë 8 Mars 2017 “Për miratimin e strukturës dhe niveleve të pagave të nëpunësve”, thuhet se propozimi është bërë nga ministritë që drejtohen nga Harito dhe Ahmetaj. Në pikën 4 të VKm shkruhet se “rritja e pagave bëhet për natyrë të veccantë të punës…”, pa specifikuar se cila është e veccanta që bëjnë këta punonjës që përfitojnë rritje page.
Në VKM inxhinierët elektronike që kanë në dorë të dhënat informatike të institucioneve paga u rritet nga 50 deri në 150 mijë lekë (të vjetra) në muaj sipas pozicionit.
Ndërsa më pas renditen pozicionet e tjera si jurist, apo ekonomist të dikastereve të cilës përfitojnë nga 100 mijë lekë rritje rroge. /Opinion.al
*Shihni më poshtë të plotë dokumentet që vertetojne rritjen e pagave sipas preferencave
