Në një kohë kur debati dhe akuzat e ndërsjellta mes ambasadorit të SHBA-së, Donald Lu dhe Prokurorit të Përgjithshëm, Adriatik Llalla kanë arritur kulmin që pas daljeve të fundit publike, studiuesi Xhafer Sadiku ka publikuar një dokument interesant në të cilin tregohet se si babai dhe xhaxhai i Llallës ishin dënuar më burgim të përjetshëm nga komunistë që hiqeshin si agjent të CIA-s.
Më poshtë dëshmia e plotë e tij.
Pse nuk e duan dhe e sulmojnë pushtetarët e sotëm dhe mediat e majta kreun e akuzës shqiptare Adriatik Llalla . Shumë e thjeshtë për ta kuptuar !
Ai nuk vjen nga Bloku , Sigurimi i Shtetit , PPSH , Fronti Demokratik etje organizata terroriste komuniste .
I ati i tij Xhemal Llalla , ish nxënës i Harri Fultz, ishte një antikomunist i dënuar me burgim te përjetshëm, si agjent i CIA-s . nga pushteti i etërve të këtyre që na qeverisin sot .
Më poshtë po sjellim këtë dëshmi , dokument zyrtar, që shpresojmë te jete edhe ne vëmendjen e ambasadorit të SHBA , Donald Lu.
Kjo vlen edhe për ata ish të përndjekur ( jo spiunë të sigurimit ) që i bashkohen korit të persekutoreve kundër tij .
Më 15 dhjetor 1947, në kinema “Labinoti” në Elbasan, përfundoi gjykimi i 15 të arrestuarve, të cilët ishin:
1-Zija Luniku,
2- Fadil Gurmani
3- Xhaferr Miraku
4- Mahmut Maci
5- Sabri Baholli
6- Xhemal Llalla
7- Veniamin Dashi
8- Osman Duduci
9- Seit Kuqi
10- Qemal Hoxha
11- Qamil Bylykbashi
12- Mehmet Haxhihasani
13- Ibrahim Plaka
14- Virtyt Gjylbega
15- Refat Haka.
Dënimet e dhëna:
- Zija Luniku, Fadil Gurmani, Xhaferr Miraku dhe Mahmut Maçi, me vdekje;
- Xhemal Llalla e Sabri Baholli, me burgim të përjetshëm;
- Veniamin Dashi e Osman Duduci, me nga 20 vjet;
- Seit Kuqi me 15 vjet;
- Qemal Hoxha e Qamil Bylykbashi, me nga 10 vjet;
- Mehmet Haxhihasani e Ibrahim Plaka, me nga 7 vjet;
- Virtyt Gjylbega me 5 vjet;
- Refat Haka me 3 vjet burg.
Vendimi përmbante edhe konfiskimin e pasurisë dhe humbjen e të drejtës politike e civile.
Kështu, të dënuarit me vdekje humbisnin në mënyrë të përhershme të drejtat politike e civile.
Të dënuarit me burgim të përjetshëm, humbisnin të drejtat politike e civile për aq kohë;
Veniamin Dashi, Osman Duduci, Seit Kuqi, Qemal Hoxha, Qamil Bylykbashi, Mehmet Haxhihasani e Ibrahim Plaka, humbisnin të drejtat politike e civile për 5 vjet, ndrësa Virtyt Gjylbega për 3 vjet.
