Ish kryeministri Sali Berisha, ka publikuar në faqen e tij zyrtare në facebook, një dokument ku thuhet se vëllai i ministrit të Brendshëm Fatmir Xhafaj, ka ndryshuar emrin.
Siç shkruan Berisha, Agron Xhafaj e ka ndërruar emrin në Geron Xhafaj.
‘Ja se si Agroni, vëllai i Fatziut vuri maskën dhe u shndërrua në Geron.
Shikoni dokumentat!’, shkruan ish-kryeministri Sali Berisha.
Një gjë të tillë e ka pohuar edhe gazetari investigativ Artan Hoxha, ai ka treguar mbrëmjen e të enjtes në ‘Opinion’, se i vëllai i ministrit të Brendshëm, Fatmir Xhafaj në gjendjen civile rezulton me emrin Geron dhe jo Agron Xhafaj siç e ka edhe vendimi i gjykatës./OPINION.AL
