Referuar dëshmisë së familjarëve dhe provave në vendin e ngjarjes, prokuroria ka shpjeguar sot në gjykatë, dinamikën e ngjarjes së kobshme të Selenicës, ku Ritvan Zykaj vrau me kallashnikov, kushërinjtë e dytë. Gjatë seances per masën e sigurisë që u zhvillua në Gjykatën e Vlorës, Ritvan Zykaj nuk ka folur asnjë fjalë, ndërsa gjatë marrjes në pyetje ka pranuar krimin e rëndë, por nuk ka shfaqur pendesë. Siç shihet edhe në dokumentin e prokurorisë (bashkëngjitur këtij shkrimi) sherri ka nisur për motive banale.
Vasilika Zykaj, që mbeti viktimë bashkë me të shoqin Besimin dhe dy fëmijët e mitur Sara dhe Ledion, i kishte telefonuar nënës së autorit, Lindita Zykaj, duke i thënë se dy djemte e saj i kanë vjedhur pulat e detit. Sherri është sqaruar mes nënës së Ritvanit dhe Vasilikës. Me atë rrugë, ata janë nisur tek një i afërm që kishte ardhur nga emigracioni. Gjatë drekës, është hapur sërish biseda për vjedhjen e pulave të detit, dhe Ritvani mësohet të ketë dhënë se “nuk i kam vjedhur unë”.
Sakaq, ndonëse familjarët e tjerë kanë vijuar të qendrojnë për drekë, Ritvani është ngritur më herët, ka marrë armën dhe ka shuar 3 familje të të njëjtin trung.
Përkatësisht, vëllanë e gjyshit, Demir Zykaj me të shoqen si dhe dy djemtë e Demirit me gratë e tyre dhe dy fëmijët e vegjël (nipat e Demirit). E gjitha kjo vetëm se Vasilika, njëra prej grave të familjes, ka dyshuar se ai mund të ketë vjedhur pulat e detit.
Po kështu autori, i ka njoftuar familjarët jo ve fjalë por me pamje. Ai ka nisur videon e kufomave, djalit të hallës, dhe ky i fundit ka vënë në dijeni babanë e Ritvanit që sapo kishte dalë nga dreka familjare.
Më poshtë lexoni të plotë dokumentin e prokurorisë mbi ngjarjen e rëndë të Selenicës, ndodhur të premten, më 10 Gusht. /Opinion.al
VIKTIMAT
1- Demir Zykaj, 75 vjec (Vellai i gjyshit të autorit)
2- Ferie Zykaj, 72 vjece, (Gruaja e Demirit)
3- Besim Zykaj, 42 vjeç (Djali i Demirit)
4- Vasilika Zykaj, (Gruaja e Besimit)
5- Sara Zykaj, 15 vjeçe (Vajza e Besimit)
6- Ledjon Zykaj, 6 vjec (Djali i Besimit)
7- Azem Zykaj (Djali i Demirit)
8- Afërdita Zykaj (Gruaja e Azemit)
