Ish-Drejtori i Arkivit të Ministrisë së Brendshme, Kastriot Dervishi ka publikuar një dokument të vitit 1984, i cili tregon se punonjës të Sigurimit të Shtetit, rrëmonin në kazanët e plehrave të ambasadave të huaja në Tiranë, për të nxjerrë gjëra të vlefshme për familjet e tyre.
Me anë të një shënimi në rrjetin social Facebook, Dervishi shkruan se një punonjës i Sigurimit vrojtonte në mënyrë të kamufluar ambasadat e huaja në Tiranë, por përveç kësaj, ai pastronte për nevoja personale kazanët e plehrave, për të nxjerrë nga aty, gjëra të vlefshme për familjen e tij.
Sipas tij, në këto kazanë punonjësi i Sigurimit të Shtetit merrte plaçka të vjetra dhe i çonte në shtëpi.
“Sado që partia tonë heroike e kishte indoktrinuar punonjësin e Sigurimit për jetën keqe që bëhej në Perëndimin “e degraduar” e në “kalbëzim”, prapëseprapë, punonjësi i Sigurimit zhytej në mënyrë sistematike në kazanët e plehrave të ambasadave”, shkruan Dervishi.
Më tej, ai thekson se sigurimi lumturohej teksa nxirrte prej andej ndonjë palë pantallona të vjetra e të ndotura apo edhe ndonjë këmishë të grisur me ngjyra të ndezura.
Dervishi tregon se rasti i vitit 1984 u bë problem në atë kohë, me qëllimin për të trembur punonjësit e tjerë të sigurimit, të cilët edhe ata rrëmonin në plehrat e ambasadave në Tiranë.
Shënimi i plotë:
1984/Punonjësit e Sigurimit të Shtetit në kazanët e plehrave të ambasadave
Një punonjës i Sigurimit të Shtetit vrojtonte në mënyrë të kamufluar ambasadat e huaja në Tiranë. Mirëpo prej kohësh ai bënte edhe një punë tjetër, pastronte për nevoja personale kazanët e plehrave të këtyre ambasadave, duke nxjerrë prej tyre në mënyrë sekrete gjëra të vlefshme për familjen e tij.
Në këto kazanë, punonjësi heroik i sigurimit, me origjinë sigurisht nga zona e parë operative, merrte plaçka të vjetra dhe i çonte në shtëpi.
Sado që partia tonë heroike e kishte indoktrinuar punonjësin e Sigurimit për jetën keqe që bëhej në Perëndimin “e degraduar” e në “kalbëzim”, prapëseprapë, punonjësi i Sigurimit zhytej në mënyrë sistematike në kazanët e plehrave të ambasadave.
Lumturohej teksa nxirrte prej andej ndonjë palë pantallona të vjetra e të ndotura apo ndonjë këmishë të grisur, por me ngjyra të ndezura.
Rasti në fjalë, i vitit 1984 u bë problem në atë kohë për të trembur punonjësit e tjerë të Sigurimit, të cilët edhe ata “kullotnin” dendësisht në plehra në mënyrë të kamufluar.
Dokumenti
Shënimi në Facebook:
