Partia Demokratike ka artikuluar sot një akuzë të drejpërdrejtë për deputetin socialist Xhemal Qefalia. Sipas Grida Dumës, ai ka marrë 6.7 miliardë lekë tendera në 3 vitet e fundit që qeveris PS-ja. Ajo paraqiti gjithashtu edhe dokumentet e firmës fituese të tenderave në emër të nipave të Qefalisë. Siç shihet nga dokumentet, Qefalia ka marrë tendera nga bashkia e Durrësit, nga QSUT-ja, nga Ministria e Brendshme dhe ajo e Drejtësisë, etj.
Deklarata e plotë
Edi Rama kujdeset vetëm për miqtë dhe klientët. Ja një shembull tipik se si përfitojnë njerëzit e tij nga paratë e shqiptarëve. Firma e deputetit socialist, Qefalia, ka pasur një aktivitet modest, dhe në vitin 2013 s’ka marrë asnjë lek nga shteti.
Por pasi Edi Rama erdhi në pushtet, rezulton se deputetit të tij Xhemal Qefalia i ka ndritur fati, dhe ka marrë 6 miliardë e 700 milionë lekë tendera në 3 vite. Njësoj si me raste të tjera, si përshembull rasti i Sadriut, Qefalia fshihet pas emrit të nipave të tij.
Kemi dokumentacionin e plotë se si firma kalon në emër të nipave, sa për formalitet. Të gjithë e dinë, se në të vërtetë është deputeti dhe vëllezërit e tij që po ndajnë llokmat e mëdha të buxhetit. Kjo pra është arsyeja pse populli zhytet në varfëri, dhe ska para për shkolla, për ngrohje, për ilace, për hallet e nejrëzve.
Sepse paratë janë për miqtë dhe klientët e Edi Ramës. Ky pra është shteti i Edi Ramës, një ndërmarrje private që ndan pasurinë mes një grushti njerëzsish.
Me 18 shkurt ne ngrihemi bashkë, dhe e ndalim këtë korrupsion, i ndalim zhvatësit.
Do të hapim rrugën që qytetarët të zgjedhin të lirë, të zgjedhin qeverinë për njerëzit, qeverinë e tyre.
