Jugu i Shqipërisë cilësohet “Vorio Epir” jo vetëm nga segmente të caktuara greke por nga vetë departamenti i gjuhës në Universitetin e Gjirokastrës. Faktet që përmenden në këtë dokumentar që i kushtohet periudhës 1939-1944 janë shokuese.
“Lufta italo-greke e vitit 1940, cilësohet si një tentativë e perandorisë italo-shqiptare për të zgjeruar kufijtë në dëm të shtetit grek. “100 mijë shqiptarë iu bashkuan trupave italiane. Por nëse populli i thjeshtë, populli i thjeshtë shqiptar ishte në bashkëpunim, pra në mbështetje të trupave greke kundër fashistëve, çamët thuhet se ishin bashkëpunëtorë të tyre”, thuhet në këtë dokumentar.
Po kështu kriminalizohet popullsia çame. “Trupat greke, në dhjetor të 1940-s u pritën si çlirimtare në Këlcyrë e Përmet, e më pas edhe në Delvinë”, thuhet më tej. Në asnjë moment nuk thuhet një e vërtetë e asaj lufte, që pasoi me pushtimin e jugut të Shqipërisë nga grekët, e me masakrat e tmerrshme ndaj popullsisë çame.
Universiteti që mban emrin e gjuhëtarit të madh “Eqerem Çabej” mëson studentët shqiptarë me fakte të deformuara. Edhe pse ky dokumentar është në yotube dhe po shpërndahet me shpejtësi asnjë masë nuk ka Ministria e Arsimit dhe institucione të tjera shtetërore për të ndaluar këtë skandal. Asnjë masë për pedagogët që marrin rrogën në shtetin shqiptar për të na tjetërsuar historinë.
