Ditën e mërkurë në mbrëmje do të transmetohet pjesa e tretë e dokumentarit ‘Narcotica’ ku do të flitet për Shqipërinë dhe mbjelljen e saj me kanabis.
“Lazarati është një fshat i vogël në zemër të Shqipërisë që konsiderohet prej kohësh qendra e kultivimit të marijuanës, skena e operacioneve masive policore dhe përplasjeve të armatosura. Programi fillon nga Lazarati për të treguar historinë e Shqipërisë, një nga vendet kryesore prodhuese të marihuanës, por mbi të gjitha, tokës së një prej mafieve më të egra dhe të rrezikshëme në zhvillim në botë që kokuron me ‘ndraghetan’ për kontrollin e fluksit të kokainës nga Amerika e Jugut dhe kontrollon opiumin dhe heroinën që vjen në Ballkan nga Afganistani. Prokurori Gratteri dhe koloneli D’Angelantonio del Ros i Karabinierëve tregojnë për hetimet për klanet shqiptare dhe bashkëpunimin me Prokurorin Francesco Mandoi i cili jeton në Tiranë për të koordinuar hetimet” shkruhet në faqen e televizionit RAI për pjesën e tretë të dokumentarit.
Në videon promocionale prokurori i antimafias Nicola Gratteri tregon për Rai3 se një e treta e Shqipërisë është e mbjellë me kanabis.
‘Vetëm në një goditje kemi kapur 9 ton kanabis në Otranto’, tregon Gratteri.
Por sipas tij, grupet kriminale shqiptare janë forcuar shumë.
‘Me kanabisin, shqiptarët sjellin në Itali edhe kokainën. Drogën e fortë shqiptarët shkojnë dhe e marrin vetë në Amerikën Latine’, tregon ai, duke folur për dokumentarin ‘Narcotica’.
Dokumentari do të transmetohet mbrëmjen e së mërkurës në orën 23:20 minuta në Rai3.
Për të parë videon promocionale klikoni KËTU/Opinion.al
