Në muajin dhjetor të këtij viti do të publikohet një dokumentar që do të ketë në fokus jetën dhe karrierën e pilotit të Formula 1, Michael Schumacher.
Ky dokumentar do të realizohet nga regjisorët gjermanë Michael Wech dhe Hanns-Bruno Kammertoens, të cilët e kanë realizuar atë në dijeninë dhe mbështetjen e familjes së pilotit.
Në të mësohet se janë përfshirë intervista me familjarët e tij si dhe pamje që mendohet nuk janë transmetuar më parë.
Michael Schumacher renditet si piloti më i suksesshëm i Formula 1 me 7 kampionate të fituara. 5 vite më parë ai u aksidentua duke bërë ski në Alpet franceze.
Nuk dihet saktësisht gjendja e tij shëndetësore pasi familjarët dëshirojnë të ruajnë privatësinë e tij. Më herët është raportuar se një ekip prej 15 mjekësh janë duke u kujdesur për të./Opinion.al/
